Main » 2011»April»5 » Assange: Gati kabllot e Wikileaks, “skenari arab” do ndodhë në Ballkan
1:18 AM
Assange: Gati kabllot e Wikileaks, “skenari arab” do ndodhë në Ballkan
SARAJEVË—Lajmifundit—Publikimi i kabllove amerikanë rreth Bosnje Hercegovinës dhe vendeve të tjera të Evropës Juglindore mund të shkaktojë një "skenar arab” në Ballkan. Kështu citohet nga Radio B92, të jetë shprehur pronari i rrjetit të famshëm Wikileaks Julian Assange për median boshnjake. Assange deklaroi bindjen e tij se kjo do të ndodhë teksa zbuloi se kabllot nga ambasada amerikane në Bosnje Hercegovinë të gjashtë viteve të fundit do të dalin në dritë shumë shpejt. Assange tha gjithashtu se Wikileaks ka ndihmuar në shkaktimin e revolucioneve në Tunizi dhe Egjypt. Sipas tij, publikimi i dokumenteve sekrete të diplomacisë amerikane do të intensifikohet në këtë moment dhe nuk do të ndalojë. Ai shtoi se nuk ka ndërmend të arrijë ndonjë marrëveshje me Shtetet e Bashkuara të Amerikës. "Ata po përpiqen të na mbyllin gojën, po kërkojnë të shkatërrojnë çdo gjë që kemi publikuar më parë, gjithçka po përpiqemi të publikojmë dhe po tentojnë të na bllokojnë burimet nga ushtria amerikane. Ne kemi refuzuar këtë”, theksoi Assange.
Home page
