NASA, agjencia hapësinore amerikane, ka publikuar fotografinë e parë të jashtëzakonshme të Mërkurit. I jashtëzakonshëm, sepse bëhet fjalë për imazhin e parë të zbuluar nga një sondë, që gjendet në orbitën përreth planetit. Mërkuri është planeti më i afërt me Diellin dhe më i vogli. Diametri i tij është rreth gjysma e atij të Tokës. Sonda "Messenger”arriti orbitën e Merkurit më 18 mars, pasi u rrotullua për më shumë se 6 vjet nëpër sistemin diellor, dhe ka transmetuar rreth 363 imazhe të planetit në qendrën aerohapësinore. Teknikët e misionit "Messenger” janë edhe duke i trajtuar me imtësi. Imazhet që do të vazhdojnë të kapen gjatë misionit që do të vazhdojë ende për gati një vit, do të shërbejnë për të kuptuar më mirë natyrën dhe përbërjen e atmosferës dhe sipërfaqen e planetit më afër yllit tonë.

Sonda e NASA drejt Mërkurit